Aplikacione Softuerike Referencat

Disenji dhe implementimi i sistemit CAS për shërbime të energjisë elektrike të Korporatës Energjetike të Kosovës (KEK).

Projekt komplet sipas parimit “çelësi në dorë”, që i përfshinë dy centralet elektrike, Kosova A dhe Kosova B, dy mihje sipërfaqësore në Bardh dhe Mirash si dhe fabrikën e pajisjeve të procesit Kosovamont.

Zgjidhja softuerike është e bazuar në sistemin e serverit MS SQL2000, me baza të distribuuara të shënimeve.

Ky sistem përfshinë disenjin dhe instalimin e rrjeteve WAN dhe LAN përgjatë tërë sistemit, furnizimin me të gjitha pjesët harduerike dhe zhvillimin e pakos softuerike të përbërë nga:

Libri kryesorë,
Menaxhimi me resurset humane,
Pagat,
Mjetet themelore,
Arka,
Llogaritë e pagueshme,
Inkasimi dhe kujdesi ndaj konsumatorëve.

Ky projekt është punuar në bashkëpunim me kompaninë Italiane “DATAMAT” (www.datamat.it) dhe është financuar nga AER (Angjensioni Evropian për Rindërtim). Pranimi teknik paraprak është bërë në qershor të vitit 2003 nga ana e ekspertëve të AER-it, ndërsa përfundimi i projektit dhe pranimi përfundimtarë është bërë pas skadimit të afatit të mirëmbajtjes në dhjetorë të vitit 2004.

Disenji dhe implementimi i sistemit CCP për faturim dhe kujdes ndaj konsumatorëve për tërë sistemin e shpërndarjes së energjisë elektrike të KEK-ut, që e përfshinë tërë Kosovën, me 400,000 matësa të energjisë elektrike.
Zgjidhja softuerike është e bazuar në serverin e bazës së të dhënave MS SQL2000, me baza të distribuuara të shënimeve. Ky projekt është punuar në bashkëpunim me kompaninë Italiane “DATAMAT” (www.datamat.it). Projekti është financuar nga USAID dhe është kontraktuar nga Chemonics International nga SHBA. Pranimi teknik paraprak është bërë në gusht të vitit 2002 nga ana e ekspertëve të Chemonics International, ndërsa përfundimi i projektit dhe pranimi përfundimtarë është bërë pas skadimit të afatit të mirëmbajtjes në shkurt të vitit 2004.
Sistem komplet në bazë të parimit “çelësi në dorë”, disenji dhe zbatimi i Sistemit Informatik Pensional për Trustin e Kursimeve Pensionale të Kosovës.
Gjatë gushtit të vitit 2002, Komtel në kooperim me kompaninë Carana, SHBA ka fituar kontratën për zhvillimin e projektit kompleks të softuerit për sistemin e kursimeve pensionale të Kosovës. Ky system përbëhet prej Web modulit dhe VBA modulit. Web moduli mundëson këmbimin automatic të të dhënave, dokumenteve dhe porosive me subjektet të ndërlidhura në procesin dhe ciklin afarist të trustit të kursimeve pensionale (Administrata tatimore, Banka e Pagesave të Kosovës – BPK, Qendra për përpunimin qendrorë të të dhënave e UNMIK-ut dhe ndërmarrjet). Shfrytëzuesit, permes këtij moduli bëjnë transferin, validimin dhe përpunimin e të dhënave si dhe pranimin e përgjegjes (p.sh. deklaratat mujore dhe pagesat) permes internetit. Shfrytëzuesit mund të bëjnë vendosjen apo paraqitjen selekive të të dhënave. Pos kësaj, mundësohet edhe dërgimi i pyetjeve, pranimi i përgjegjeve apo inicimi i kërkesave të caktuara. Të gjitha këto funksione mundësohen edhe për shfrytëzuesit intern me intranet.
Moduli VBA (përdoret vetëm nga shfrytëzuesit e brendshëm – personeli i KPST-së) mundëson validimin dhe përpunimin e mëtejshëm të të dhënave. Ky modul bën alokimin e kontributeve në llogari të kursimtarëve. Moduli posedon me një vegël të fuqishme për sortimin dhe paraqitjen e të dhënave për kontributet, pagesat, institucionet financiare etj. Moduli i udhëheqjes së investimeve dhe i kontabilitetit mundëson përpunimin të dhënave financiare të KPST-së. Projekti është në fazën përfundimtare – testimit dhe trajnimit.
Referencat tjera për disenj të softuerit dhe/ose mirëmbajtje të softuerit: Ministria e Shëndetsisë, Qendra Klinike Univerzitare e Kosovës, RTK – Radio Televizioni i Kosovës, Kryqi i kuq i Kosovës, Zyra Amerikane (për Aeroportin) - Prishtinë, Patria, Prishtinë, “Tefik Qanga” – Ferizaj, “Elting” – Prishtinë.